الاغااااااااانى

طيب دول 3 اقتراحات بالنسبه للأغانى واحنا عارفين ان الاقتراح التالت هو الصح
بس انا كنت عاوز اسأل يخصوص الحفلات الموسيقيه زى حفلات ينى وحفلات الاوبرا

أنا من رأيي أنى الاغانى خطية عندما يعتبرها الشخص شي ثابت له ويجب إن يسمع اغانى كل يوم ويضعها من اولوياتة وأيضا تعتبر خطية إذا كانت تبعده عن علاقة بربنا .............. ولكن أنا عندي سوال لو واحد واحدة مخطوبين وكانوا بيسمعوا اغانى رومانسية وهذة الاغانى لاتوثر على علاقتهم بربنا ؟

اه بس خليهم يسمعوا عبد الحليم او ام كلثوم
بلاش يسمعو سعد خصوصا بحبك يا حمار
ده كان هزار الجد بقى
1-هما الاتنين المخطوبين دول مؤمنين.
2-ومدام هما كده طيب ميفكروا فى مستقبلهم ازاى هيعيشوا حياتهم مع ربنا ازاى هيخدموا0000
3-المخطوبين مش لازم يسمعوا اغانى رومانسيه عشان يظهروا عواطفهم لبعض

طيب انا عايز اسأل سؤال لو اتنين "متجوزين" وعندهم مشاعر حب ناحية بعض بس مش بيعرفوا يعبروا عنها فبيسمعوا اغاني و بيحفظوها كمان لانها بتعبر عن اللي جواهم
-ايه الغلط في ده ؟؟

انا عاوز اشارك برأى شمشون لما اُسر كان للأسر ده تدريج
1-أوتار طريه
2-حبال جديده
3-ضفر شعر الراس مع السدى
4-حلق شعر النذر
5-تقليع عيون وربط بسلاسل نحاسيه
الى عاوز اوصله ان احنا للأسف بدون مندرك وصلنا لمرحله ضفر شعر النذر مع السدى وده ان دل يدل على اختلاط الكنيسه مع العالم ألى حابب يسمع فى الموضوع ده ممكن تدورا على عظه للقس منير حكيم(من الاوتار الطريه الى السلاسل النحاسيه)

طب ايه العلاقه بين شمشون و الاغاني؟؟! ( علي فكره الكتاب ماذكرش ان شمشون كان بيسمع اغاني)

كررررررررررررررر
الكناب برضه مذكرش حجات كتير جدا عن الحياه المسيحيه لان الحياه المسيحيه حياه بتتعاش مش حياه قوانين والمفروض ان الوحى لازم نتعلم منه كل حاجه فى حياتنا اليوميه والا السجاير مثلا اعرف منين انها مش صح وبعد كده يا دكتور انا مقلتش ان شمشون كان بيسمع اغانى انا كنت عاوز اوصل تدرج الخطيه فى حياته ممكن تسمع الخدمه وانت تفهم قصدى انا هحملها على المنتدى فى اقرب فرصه

-اولا:زي ما انت قلت "الوحي لازم نتعلم منه كل حاجة" فالوحي بيقول 'ايها الرجال احبوا نسائكم' يعني بيطالب المتجوزين انهم يحبوا بعض ويعبروا عن الحب ده
-ثانيا وده الاهم: انا قصدي ان احنا مانحملش الوحي اكتر من معناه يعني ' الاوتار الطريه و الحبال الجديدة و ضفر شعر الرأس مع السدي و حلق شعر النذر و تقليع العيون والربط بسلاسل نحاسية' ولا حاجه من الحاجات دي بترمز للاغاني لا من قريب او بعيد وإلا فايه الدليل؟

شمشون مكنش بيسمع تغتني شمشون ده كا بيغني.

لو احنا بنسمع اغاني يبقي احنا اكيد هنغني يبقي ازاي ريبنا هيقبل من الترنيم .

هما المتجوزين مش هيحبو بعض غير لما يسمعوا اغانى رومانسيه
وانا مش بحمل الوحى اكثر من معناه لان الكلمه الا وهى الوحى المفروض انها كل حاجه فى حياه الانسان المؤمن الحقيقى الى على اساسها بيعرف مبادئه فى الحياه
وبعد كده انا بأعتذر ان اقولك ان كل الحاجات دى ليها علاقه بأمور بتتم فى حياتنا اليوميه ومنها الاغانى ده مش رأيي انا بس لكن ده راى قساوسه وخدام الانجيل الى أعتقد انك مش بتحب تسمعلهم

ومتهيألى دليل كافى ان الاغانى حاجه عالميه يعنى من صنع الشيطان انها تكون بترمز لاى من الخمسه الى ذكرتهم

يا استاذي الفاضل حضرتك ماوضحتش لغاية دلوقتي ليه الحاجات الخمسة دي بترمز للاغاني او ايه العلاقة بينهم ولا "هو كده وخلاص"

يا دكتور يكفى انى اقوللك انها حاجه من العالم الذى وضع فى الشرير انها تكون من الحاجات الخمسه مش محتاجه فكاكه وانا قلت فى مره ماضيه يريت تقراها تانى انها تشير الى الاختلاط بالعالم لاننا كمؤمنين بنعمل حاجه بيعملها الخطاه وايه الفرق بقى.؟!!!
ومش معنى انى ضد الاغانى انى مش بسمعها لا انا بسمع اغانى وعارف انها حاجه مش صح
ومش معنى ان الواحد بيعمل حاجه يبقى هى صح زى ما انت متخيل او بتعمل.
يا دكتور يريت تفتح مخك معايا انا مش بقول حاجه علشان "هى كده وخلاص"ولو حد بيدافع عن الاغانى اكيد هكون انا معاه علشان بسمعها لكن انا بدافع عن مبدأ مش عن الاغانى فى حد ذاتها .

اولا: في حاجات كتيرة بنعملها زي الخطاه ومفيش فرق بيننا ومع ذلك هي صح تماما ومش غلط "زي المواد الدراسية اللي بندرسها في كلياتنا مثلا" ودي من صنع العالم واللي الفوا الكتب دي ناس خطاة ؛ انا شايف ان ده مش مبدأ نحكم بيه ع الامور .
ثانيا: انا مش بدافع عن الاغاني ولا بهاجمها ، احنا عايزين نتناقش بالمنطق عشان نوصل لحل موضوعي.

كل مره أقرأ فيها تعليقك اكتشف فيها انك موسوعه
أمانه عليك انا مستنيك انت تقوللى ايه الفرق بين الدراسه والاغانى

"يا دكتور يكفي اني اقولك انها حاجه من العالم الذي وضع في الشرير....انها تشير الي الاختلاط بالعالم لاننا كمؤمنين بنعمل حاجة بيعملها الخطاه وايه الفرق بقي" ده كان تعليقك الي فات وانت بتبين الغلط في الاغاني ، وعلي كلامك ده انا شايف ان مفيش فرق بين الدراسة والاغاني فهما الاتنين من العالم الذي وضع في الشرير (لانهما من فكر وابداع العالم والخطاه اللي عايشين فيه) وهما الاتنين بنعملهم زينا زي الخطاه ، فإما هما الاتنين صح اوغلط

طيب احب اوضحلك حاجه قالهالنا واحد اسمه د/وسيم مجدى فى درس الكتاب هنا فى منوف مش فى المكان الى بيقولو فيه ان الاغانى صح
(لان الذين سبق فعرفهم سبق فعيّنهم ليكونوا مشابهين صورة ابنه ليكون هو بكرا بين اخوة كثيرين)
قال ايه بقى اخونا العزيز قال طبعا ان احنا لازم نكون متفوقين ونذاكر كويس مش علشان المذاكره جزء من العالم او من الشرير لكن علشان المذاكره جزء من خدمتنا ازاى بقى يا باشا لما انت انشاء الله تتخرج وتتفوق فى عملك وتطلع على التلفزيون زى مثلا ا/مفيد فوزى او د/مجدى يعقوب هيكون ليك فرصه اكبر انك تشهد عن المسيح ويكون فخر ان ان اسم المسيح دعى عليك لنكون مشابه صوره ابنه لكن ممكن تقولى انت هتشهد ازاى عن المسيح لما تغنى او تسمع اغانى؟!!!
ده الى بيغنو لما يتعرفوا على المسيح بيبطلوا اغانى يا راجل

وبكده نكون وصلنا لاول اجابه علي سؤالي اللي انا سألته في اول الموضوع ايه الغلط في الاغاني وهي انها بتعطل شهادتنا

اخييييييييييييييييييييييييرا